Հարգելի երիտասարդներ
Ուրախությամբ հայտնում ենք, որ «Աշխարհազոր» երիտասարդական, կրթական հասարակական կազմակերպությունը ազդարարում է «Մարտական պատրաստության ակումբ» նախագծի երրորդ խմբի ընդունելությունը:
Ծրագրում ընդգրկված երիտասարդները տեսական և գործնական դասընթացների միջոցով հնարավորություն կստանան տիրապետելու մարտական պատրաստության հիմունքներին (կրակային պատրաստություն, մարտավարական պատրաստություն, առաջին օգնություն և այլն), կծանոթանան տարածաշրջանային անվտանգության, ինչպես նաև Լեռնային Ղարաբաղի հակամարտության հիմնահարցերին: Ծրագրի ընթացքում երիտասարդները կայցելեն ՀՀ ԶՈՒ զորամասեր և կլինեն մարտական հենակետերում:
Ծրագրին կարող են մասնակցել 17 – 30 տարեկան ակտիվ երիտասարդներ:
«Մարտական պատրաստության ակումբ» նախագծի երրորդ խմբում ընդգրկվելու համար անհրաժեշտ է լրացնել դիմում – հայտը` այստեղ: Դիմումների ընդունման վերջնաժամկետը ս.թ. օգոստոսի 30-ն է:
Հ.Գ. Ծրագրին մասնակցությունը կազմակերպվում է անվճար հիմունքներով:
Martakanakumb 